Шаштың шамадан тыс түсуі - көптеген адамдар тап болатын мәселе. Оның себептері әртүрлі болуы мүмкін, соның ішінде гормоналды өзгерістер, стресс, дұрыс тамақтанбау, генетикалық бейімділік, сондай-ақ медициналық проблемалар. Шаштың түсуі созылмалы да, уақытша да болуы мүмкін.

Ер адамдар мен әйелдердегі шаш түсуінің генетикалық себебі андрогенетикалық алопеция деп аталады. Негізгі көрсеткіш - шаштың өсу желісінің маңдайдан бастап төбеге қарай біртіндеп ығысуы. Шаш түсуі самай мен маңдай бөлігінен басталады, ал құлақ маңы аймағында шаштар қалыңдауы мүмкін. Ұқсас белгілер кезінде әйелдерде бастағы шаштың түсуімен қатар бетте және денеде түктің өсуі жиілеуі мүмкін.

Стресстен туындаған уақытша шаштың түсуі телогенді алопеция деп аталады. Мұндай жағдай теріс фактордан кейін 3-4 айдан соң басталып, бастың бүкіл бетінде шаштың біркелкі түсуімен көрінеді. Себебі шаштың 20%-дан астамы бір уақытта телогенді (соңғы) кезеңге өтеді. Сондай-ақ, уақытша құбылыстарға өсудің бастапқы кезеңіндегі шаштың түсуі - анагенді түсу жатады. Оның ерекше белгілеріне түсіп қалған аймақтарда бас терісінің ауыруы немесе текстурасы/түсінің өзгеруі жатады.

Ұялы (фокалды) алопеция әртүрлі жастағы және жыныстағы адамдарда кездесуі мүмкін, бірақ жалпы белгі - әртүрлі диаметрдегі дөңгелек немесе сопақ түсіп қалған аймақтардың пайда болуы. Көбінесе себебі ағзаның аутоиммундық реакциясы немесе гормоналды/психологиялық ақау болып табылады.

Шаштың түсуін және әртүрлі алопеция түрлерін емдеудің аппараттық әдісі - Lumenis M22 платформасының ResurFX фракциялық абляциялық емес лазерін қоладну. Нысаналы лазерлік әсер дермаға терең енеді және тікелей дермальды түйіршіктерге әсер етеді. Осылайша, шашты фолликулалардың айналасында қоректік заттардың ағыны белсендіріледі. Қан айналымының күшеюі арқасында шаштың өсуі күшейеді, белсенді өсу кезеңіне өтеді. Нәтижесінде шаштар нығаяды, күшейеді және қалыңдайды. Сонымен қатар, лазердің әсері жалпы бас терісінің жағдайына оң әсер етеді, қышыну, дискомфорт және шамадан тыс майлылық немесе құрғақтық өтеді.

Маңызды артықшылығы - процедураның жарақаттанбауы, өйткені ол бас терісін тесусіз жүргізіледі. Бұл процедурадан кейінгі оңалтудың жеңілдігімен де түсіндіріледі.

Біздің клиникада біз көбінесе емдеудің аппараттық және инъекциялық әдістерін, сондай-ақ күтім рутинасындағы өзгерістерді біріктіретін жеке тәсілді қолданамыз.
Трихологиялық зерттеудің арнайы жабдығы шаштың құрылымы мен бас терісінің ерекшеліктерін 200 есе үлкейтіп зерттеуге мүмкіндік береді. Диагнозға байланысты біз емдеу хаттамасын таңдаймыз. Трихологтың арсеналында: космецевтикалық құралдар, ResurFX фракциялық лазерінің аппараттық әдісі, сондай-ақ пациенттің байытылған қан плазмасын қолданатын инъекциялық терапия бар.